Klitshko flet për BILD: 120 mijë rusë janë vendosur afër kufirit, na duhet ndihma e miqve!

Evropë

Klitshko flet për BILD: 120 mijë rusë janë vendosur afër kufirit, na duhet ndihma e miqve!

Më: 28 janar 2022 Në ora: 14:14
Vitali Klitshko

Ish-kampioni i botës në boks, njëherësh kryetari i Kievit, Vitali Klitshko është deklaruar rreth kërcënimeve me luftë që po i bën Moska zyrtare.

Në një intervistë për mediumin e madh gjerman, BILD, ai ka thënë se Ukraina ka nevojë për ndihmë dhe mbështetje nga miqtë ndërkombëtarë.

Ai tregoi se gjithnjë e më shumë ushtarë rusë po vazhdojnë të vendosën në kufirin me Ukrainën.

“Para disa ditësh ne ende flisnim për 100,000 ushtarë, tani janë tashmë 120,000”, ka deklaruar ai.

Sipas Klitshkos, ky veprim i rusëve po i nervozon ukrainasët.

“Të gjithë po flasin për një luftë të mundshme. Nëse rusët pushtojnë, atëherë ne nuk kemi zgjidhje tjetër dhe duhet të mbrojmë vendin tonë, familjen tonë, atdheun tone”, deklaroi ish-kampioni i botës në boks.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat