Borrell dënon granatimin rus të Zyrës së Misionit Këshillimor të BE-së në Mariupol

Evropë

Borrell dënon granatimin rus të Zyrës së Misionit Këshillimor të BE-së në Mariupol

Më: 29 mars 2022 Në ora: 21:43
Josep Borrell

Shefi i diplomacisë evropiane Josep Borrell ka dënuar ashpër granatimin e Zyrës së Misionit Këshillimor të BE-së në Mariupol nga forcat ruse, duke kërkuar që Rusia të ndërpresë menjëherë ofensivën e saj dhe të tërheqë pa kushte forcat ushtarake nga territori i Ukrainës.

“Sot, Misioni Këshillimor i BE-së në Ukrainë (EUAM) ka marrë informacion të besueshëm se ambientet e zyrës së saj në Mariupol janë goditur së fundmi nga granatimet ruse. Zyra dhe pajisjet e EUAM-it pësuan dëme të mëdha. Asnjë anëtar apo kontraktues i misionit nuk u lëndua.

Ne i dënojmë fuqishëm këto sulme, si dhe çdo sulm që synon civilët dhe infrastrukturën civile. Ne kërkojmë nga Rusia të ndërpresë ofensivën e saj ushtarake menjëherë dhe të tërheqë pa kushte të gjitha forcat dhe pajisjet ushtarake nga i gjithë territori i Ukrainës, siç kërkohet nga rezolutat e Asamblesë së Përgjithshme të OKB-së dhe urdhëruar nga Gjykata Ndërkombëtare e Drejtësisë”, ka shkruar Borrell në Twitter.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat