Sanksionet e fundit kundër Rusisë kanë për qëllim sektorin energjetik dhe atë bankar. BE-ja dëshiron të shtrëngohet sërish. Për Presidenten e Komisionit von der Leyen, një falimentim shtetëror rus është i pashmangshëm.
Presidentja e Komisionit të BE-së, Ursula von der Leyen është e sigurt se sanksionet aktuale dhe ato të ardhshmet do të ngadalësojnë luftën e agresionit rus në Ukrainë. Me luftën, Putin po shkatërron gjithashtu vendin e tij dhe të ardhmen e popullit të tij, tha von der Leyen për gazetën "Bild". Sanksionet e BE-së nuk janë aq të lehta. “Falimentimi shtetëror i Rusisë është vetëm çështje kohe”, tha 63-vjeçarja.
"Sanksionet hyjnë gjithnjë e më thellë në ekonominë ruse çdo javë," vazhdoi von der Leyen. Eksportet drejt Rusisë ranë me 70 për qind. 700 avionë rusë kanë humbur licencën e tyre, sepse u mungojnë pjesët rezervë dhe përditësimet e të softuerit. "Qindra kompani të mëdha dhe mijëra ekspertë, po i kthejnë shpinën vendit të tyre. Sipas parashikimeve aktuale, prodhimi i brendshëm bruto i Rusisë, do të bjerë me 11 për qind."
BE po planifikon gjithashtu të zgjerojë sanksionet aktuale kundër Rusisë. "Ne vazhdojmë të shikojmë sektorin bankar, veçanërisht Sberbank, e cila vetëm përbën 37 për qind të sektorit bankar rus. Dhe sigurisht që ka të bëjë edhe me çështjet e energjisë," tha von der Leyen. Qëllimi kryesor është tkurrja e të ardhurave të Putinit. Kjo është arsyeja pse ne aktualisht po punojnë në "mekanizma të zgjuar" në mënyrë që edhe nafta të përfshihet, në hapin e ardhshëm të sanksioneve. Ne duam ta kufizojmë më tej Putinin në biznesin e naftës. "Nafta është çështje globale. Ajo që nuk duhet të ndodhë është që Putini, mos të arrij të vendos çmime më të larta në tregjet e tjera për furnizime, se sa që ekzistojnë sot në BE."
Presioni ekonomik mbetet i lartë
Masat më të fundit ndëshkuese, kanë për qëllim kryesisht të rrisin presionin ekonomik ndaj Rusisë. Sipas informacioneve të fundit nga Komisioni i BE-së, vetëm embargoja e qymyrit, mund të nënkuptojë më pak të ardhura prej rreth tetë miliardë euro në vit. Një pjesë e paketës së fundit të sanksioneve përfshinte, një ndalim të plotë të transaksioneve që preknin katër banka të mëdha ruse, duke përfshirë bankën e dytë më të madhe ruse, VTB.
Anijet që mbajnë flamurin rus gjithashtu do të ndalohen të hyjnë në portet e BE-së. Paketa e re e sanksioneve parashikon gjithashtu kufizime të mëtejshme në tregtinë me Rusinë, në shumën prej rreth dhjetë miliardë euro. Sipas Komisionit, këto përfshijnë kompjuterë kuantikë dhe mjete transporti. Produkte të tilla si druri, çimento dhe pije alkoolike me vlerë 5.5 miliardë euro nuk mund të importohen më në BE. Për më tepër, kompanitë ruse janë të përjashtuara nga pothuajse të gjithë tenderët publikë në BE. 217 persona të tjerë dhe 18 organizata janë gjithashtu në listën e sanksioneve të BE-së.
