Vatikani përshëndet vendimin e Gjykatës së Lartë mbi abortin

Evropë

Vatikani përshëndet vendimin e Gjykatës së Lartë mbi abortin

Më: 25 qershor 2022 Në ora: 07:25
Foto ilustrim

Akademia Papnore për Jetën vlerësoi sot vendimin e Gjykatës së Lartë të SHBA-së për të lejuar shtetet federale të ndalojnë abortin, duke thënë se vendimi është një “sfidë për të gjithë botën” për çështjet e jetës.

Përmes një deklarate, Akademia Papnore për Jetën tha se mbrojtja e jetës njerëzore nuk mund të kufizohet në të drejtat individuale sepse jeta është një çështje me “rëndësi më të gjerë shoqërore”.

“Fakti që një vend i madh me një traditë të gjatë demokratike ka ndryshuar qëndrimin e tij për këtë çështje është një sfidë për të gjithë botën”, thuhet në një deklaratë të Akademisë.

Kryepeshkopi Vincenzo Paglia, i cili drejton Akademinë Papnore për Jetën, tha se vendimi i gjykatës ishte “një thirrje e fortë për reflektim” mbi këtë çështje në një kohë kur “shoqëria perëndimore po humbet pasionin e saj për jetën”.

“Zgjedhja e jetës në lojë është përgjegjësia jonë për të ardhmen e njerëzimit,” tha Paglia.

Gjykata e Lartë e SHBA-së të premtën ka rrëzuar vendimin e vitit 1973 që legalizonte abortin në mbarë vendin, vendim i cili po shkakton ndarjet më të hidhura në jetën politike amerikane.

Një gjykatë e dominuar nga konservatorët përmbysi vendimin historik të vitit 1973 që u garantonte grave të drejtën për abort në të gjithë Shtetet e Bashkuara.

Gjykata e Lartë ka vendosur që shtetet individuale tani mund të kufizojnë ose ndalojnë abortin.

Presidenti Joe Biden, me religjion katolik, e ka dënuar vendimin duke e quajtur atë një “ditë të trishtuar” për Amerikën.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat