Qindra të ndaluar në një marsh për komunitetin LGBT në Stamboll

Evropë

Qindra të ndaluar në një marsh për komunitetin LGBT në Stamboll

Më: 27 qershor 2022 Në ora: 08:14
Policia duke ndërhyrë në marshin e mbajtur në Stamboll

Policia në Stamboll ka penguar një marsh në mbështetje të komunitetit LGBT (homoseksualë, lesbike, biseksualë dhe transgjinorë) dhe ka ndaluar qindra protestues më 26 qershor.

Zyra e guvernatorit ka ndaluar marshin rreth Sheshit Taksim, në zemër të Stambollit, mirëpo qindra protestues kanë mbajtur flamuj shumëngjyrësh afër asaj zone, duke sfiduar ndalesën.

“Ne jemi këtu. Ne nuk jemi duke shkuar askund”.

Organizatorët kanë thënë që më shumë se 200 pjesëmarrës dhe aktivistë për komunitetin LGBT, janë ndaluar dhe policia ka refuzuar t’iu mundësojë qasjen te avokatët e tyre.

Disa prej tyre më pas janë liruar.

Një gazetar turk ka thënë se disa persona janë rrahuar nga policia.

Autoritetet, në anën tjetër, nuk kanë bërë të ditur numrin e arrestimeve.

Komisionarja e Këshillit të Evropës për të Drejta të Njeriut, Dunja Mijatoviq, u ka bërë thirrje autoriteteve më 24 qershor që të lejojnë marshin dhe të garantojnë sigurinë e pjesëmarrësve.

Turqia është bërë një prej shteteve të pakta myslimane që ka lejuar Paradën e Krenarisë më 2003.

Megjithatë, marshe të tilla janë ndaluar prej vitit 2015, duke përmendur çështje të sigurisë.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat