Arrestohet një polak për organizimin e vrasjes së gazetarit holandez

Evropë

Arrestohet një polak për organizimin e vrasjes së gazetarit holandez

Më: 4 korrik 2022 Në ora: 14:00
Policia holandeze pranë vendit ku u qëllua për vdekje gazetari holandez, Peter R. De Vries. Amsterdam, 6 korrik 2021.

Një polak, i dyshuar për organizimin e vrasjes së gazetarit të njohur holandez, Peter R. De Vries, u arrestua më 4 korrik, njoftoi Zyra e Prokurorit Publik të Holandës.

“Një i dyshuar është arrestuar, ai është një burrë polak, 27 vjeç. Ai u arrestua për koordinimin e personave që kryen vrasjen”, tha për Reuters zëdhënësja e Prokurorisë, Brechtje van de Moosdijk.

De Vries gjerësisht është admiruar për guximin e tij për të raportuar për krimin në Holandë. Ai u qëllua për vdekje korrikun e vitit të kaluar. Vrasja ndodhi në një rrugë të frekuentuar të Amsterdamit.

Vrasja e gazetarit nxiti zemërim në mbarë Holandën. Dy persona aktualisht po përballen me gjykim për kryerjen e vrasjes së De Vries./REL

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat