Çekia do të patrullojë hapësirën ajrore të Sllovakisë

Evropë

Çekia do të patrullojë hapësirën ajrore të Sllovakisë

Më: 4 korrik 2022 Në ora: 15:52
Fotografi ilustruese.

Duke filluar nga shtatori, Republika Çeke do të dërgojë avionë luftarakë për të patrulluar hapësirën ajrore të Sllovakisë fqinje, tha më 3 korrik kryeministri çek, Petr Fiala.

"Unë nuk shoh ndonjë problem", tha ai. "Qeveria me siguri do ta miratojë këtë”.

Sllovakia më herët u kërkoi aleatëve të NATO-s që të patrullojnë qiellin e saj, pasi vendosi të ndalojë flotën e saj të avionëve luftarakë MiG-29 të prodhimit rus.

Bratislava synon të dërgojë MiG në Ukrainë për të ndihmuar Kievin të luftojë pushtimin rus. Sllovakia porositi 14 avionë luftarakë F-16 nga Shtetet e Bashkuara në 2018 për të zëvendësuar MiG-ët e saj dhe aeroplanët e parë ishin planifikuar të mbërrinin këtë vit. Megjithatë, vonesat e papritura e kanë shtyrë atë datë për vitin 2024.

Sllovakia ka ofruar mbi 154 milionë euro (160.6 milionë dollarë) ndihmë ushtarake për Ukrainën që kur nisi pushtimi rus në shkurt./REL

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat