​Kërcënohet me bombë, avioni luftarak spanjoll shoqëron aeroplanin e pasagjerëve

Evropë

​Kërcënohet me bombë, avioni luftarak spanjoll shoqëron aeroplanin e pasagjerëve

Më: 4 korrik 2022 Në ora: 23:56
Foto ilustrim

Një avion luftarak i Forcave Ajrore Spanjolle ka shoqëruar sot një aeroplan të udhëtarëve, i cili u ngrit nga Gatwick i Londrës, pasi një 18-vjeçar britanik bëri kërcënime me bombë në rrjetet sociale.

Sipas një zëdhënësi të Gardës Civile spanjolle, britaniku, i cili udhëtoi në ishullin Menorca me pesë miq, e kaloi natën në burg dhe është në pritje të një seance dëgjimore.

Avioni Easyjet u ul i sigurt në aeroportin Menorca në Ishujt Balearik me gjysmë ore vonesë dhe pas uljes u shoqërua në zonën e sigurisë ku u arrestua i riu britanik.

Pasagjerët, bagazhet dhe avioni u ekzaminuan nga ekspertët për eksplozivë me qenë të trajnuar posaçërisht dhe u kryen të gjitha kontrollet e nevojshme të sigurisë, njoftoi Garda Civile.

Zakonisht avionët ushtarakë shoqërojnë aeroplanët civilë kur kontrolli i trafikut ajror tokësor humbet kontaktin me ta ose ekziston një kërcënim për avionin ose pasagjerët për shkak të një alarmi për bombë, objekt të dyshimtë ose aktivitet terrorist.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat