Rusia duhet "të kthejë menjëherë kontrollin e plotë" të termocentralit bërthamor të Zaporizhzhia, thanë sot ministrat e jashtëm të G7.
Në një deklaratë, ministrat nga Kanadaja, Franca, Gjermania, Italia, Japonia, Britania e Madhe dhe SHBA, thanë se mbetën "thellësisht të shqetësuar" nga kërcënimi serioz që përbënte kapja e objekteve bërthamore nga forcat ruse.
Ata thanë gjithashtu se ai minoi aftësinë e Agjencisë Ndërkombëtare të Energjisë Atomike (IAEA) për të monitoruar aktivitetet bërthamore paqësore për qëllime mbrojtëse.
Në deklaratën e tyre thuhej: "Ne kërkojmë që Rusia t'i kthejë menjëherë kontrollin e plotë pronarit të saj të ligjshëm sovran, Ukrainës, të termocentralit bërthamor të Zaporizhzhia si dhe të të gjitha objekteve bërthamore brenda kufijve të njohur ndërkombëtarisht të Ukrainës për të siguruar operacionet e tyre të sigurta.
"Stafi ukrainas që operon centralin bërthamor të Zaporizhzhia duhet të jetë në gjendje të kryejë detyrat e tij pa kërcënime dhe presione. Është kontrolli i vazhdueshëm i Rusisë mbi termocentralin që rrezikon rajonin.
“Ne mbetemi thellësisht të shqetësuar nga kërcënimi serioz që kapja e objekteve bërthamore të Ukrainës dhe veprimet e tjera nga forcat e armatosura ruse paraqesin për sigurinë e këtyre objekteve, duke rritur ndjeshëm rrezikun e një aksidenti apo incidenti bërthamor dhe duke rrezikuar popullsinë e Ukrainës shtetet fqinje dhe komuniteti ndërkombëtar”.
