​Inflacioni vjetor në Kroaci ngritet në 12.3% për muajin korrik

Evropë

​Inflacioni vjetor në Kroaci ngritet në 12.3% për muajin korrik

Më: 17 gusht 2022 Në ora: 17:43
Ilustrim

Çmimet e konsumit në Kroaci u rritën me 12.3 për qind në korrik në krahasim me të njëjtin muaj të vitit 2021, që është norma më e lartë e inflacionit që kur Enti Shtetëror i Statistikave i mban këto të dhëna dhe është kryesisht pasojë e rritjes së çmimeve të karburantit dhe ushqimit.

Në korrik, inflacioni i matur me indeksin e çmimeve të konsumit ka shënuar rritje mujore prej 0.4 për qind, ndërsa krahasuar me fundin e vitit të kaluar është rritur për 7.1 për qind.

Në bazë vjetore, rritja më e lartë e çmimeve ishte transporti 19.2 për qind, pijet dhe pijet joalkoolike (18.3), restorantet dhe hotelet (16.8), pajisjet shtëpiake dhe mirëmbajtja e rregullt e shtëpisë (14.1), rekreacioni e kultura (10%), banesa, ujë, energji elektrike, gaz dhe lëndë djegëse të tjera (9.7%), mallra dhe shërbime të ndryshme (7.0%) dhe veshje e këpucë 5.5 për qind.

Inflacioni në Kroaci në qershor ishte 12.1 për qind me bazë vjetore.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat