Vullnetarë apo me mobilizim, Ukraina nuk bën dallime: Do i shkatërrojmë trupat ruse

Evropë

Vullnetarë apo me mobilizim, Ukraina nuk bën dallime: Do i shkatërrojmë trupat ruse

Më: 22 shtator 2022 Në ora: 07:04
Foto ilustrim

Komandanti i ushtrisë së Ukrainës tha se forcat e tij do të shkatërrojnë trupat pushtuese ruse nëse ato ishin vendosur vullnetarisht ose si pjesë e një mobilizimi të ri të shpallur nga Rusia, sipas Al Jazeera.

“Nuk ka asnjë deklaratë nga lidershipi ushtarak dhe politik i vendit agresor që mund të ndikojë në gatishmërinë tonë për të luftuar për lirinë tonë.

Ne do të shkatërrojmë këdo që vjen në tokën tonë me armë, qoftë vullnetarisht apo me mobilizim”, shkroi në Facebook komandanti i përgjithshëm i forcave të armatosura ukrainase, Valeriy Zaluzhnyi.

Presidenti Vladimir Putin urdhëroi të mërkurën mobilizimin e parë të Rusisë që nga Lufta e Dytë Botërore, duke paralajmëruar Perëndimin se nëse vazhdon atë që ai e quajti “shantazhin bërthamor”, Moska do të përgjigjet me fuqinë e të gjithë arsenalit të saj të gjerë.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat