Komandantët e trupave ruse po bëhen "gjithnjë e më shumë të shqetësuar" për pengesat operacionale, sipas Ministrisë së Mbrojtjes së Mbretërisë së Bashkuar, përcjell Bota sot.
Si rezultat, ata duket se synojnë digat për të përmbytur pikat e kalimit ushtarak ukrainas, ndërsa forcat e Kievit përparojnë.
Në dhjetë ditët e fundit, si diga e rezervuarit Karachunov në Ukrainën qendrore, ashtu edhe diga Pechenihy në veri-lindje u goditën nga raketat ruse, tha Ministria e Mbrojtjes. Duket se është një përpjekje për të goditur portat e digave.
“Sulmet nuk kanë gjasa të kenë shkaktuar ndërprerje të konsiderueshme në operacionet e Ukrainës për shkak të distancës midis digave të dëmtuara dhe zonave të luftimit”, thuhet në përditësimin e Britanisë.