Të shtëna vdekjeprurëse në një shkollë në Rusi

Evropë

Të shtëna vdekjeprurëse në një shkollë në Rusi

Më: 26 shtator 2022 Në ora: 11:02
Nxënësit duke mbajtur flamurin e rusisë gjatë ditës së parë të shkollës. Moskë, 1 shtator 2022.

Të paktën gjashtë persona janë vrarë, pasi një sulmues ka hapur zjarr në një shkollë në Rusi.

Të shtënat kanë ndodhur në qytetin Izhevsk, në Rusinë qendrore, teksa Ministria e Brendshme ruse tha se edhe 20 persona, përfshirë edhe fëmijë, janë plagosur.

Veturat e ndihmës së shpejtë dhe shërbimet e sigurisë janë parë në vendin e ngjarjes.

Të shtënat raportohet se kanë ndodhur në shkollën me numër 88, ku mësojnë pothuajse 1.000 nxënës dhe punojnë 80 mësimdhënës.

Sulmuesi raportohet se ka vrarë veten dhe motivi i të shtënave është ende i paqartë./REL

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat