Erdogan: Turqia mund të normalizojë lidhjet me Egjiptin, pastaj edhe me Sirinë

Evropë

Erdogan: Turqia mund të normalizojë lidhjet me Egjiptin, pastaj edhe me Sirinë

Më: 28 nëntor 2022 Në ora: 10:51
Erdogan

Marrëdhëniet Turqi-Siri mund të zhvillohen në të ardhmen në një mënyrë të ngjashme me atë se si Turqia zhvilloi lidhjet me Egjiptin.

Kështu, siç raportojnë mediat e huaja, përcjell Telegrafi, ka thënë presidenti turk Recep Tayyip Erdogan.

“Ashtu siç filluan të normalizohen marrëdhëniet Turqi-Egjipt, në periudhën e ardhshme mund të ndodhë edhe me Sirinë. Nuk ka vend për ‘ndjenja të këqija’ në politikë”, theksoi Erdogan në një ngjarje në Konya.

Duke iu referuar takimit të tij të fundit me homologun e tij egjiptian Abdel-Fattah el-Sissi në Katar, Erdogan tha se el-Sissi ishte “shumë i lumtur” me këtë takim dhe “ne përcollëm të njëjtën dëshirë”.

Ai gjithashtu tha se “shpresojmë” që procesi i normalizimit me Egjiptin do të vazhdojë në nivel ministror.

“Kohët e fundit, ne kemi përjetuar një problem që zgjati nëntë vjet. Ne bëmë një hap atë mbrëmje, me mbështetjen e emirit të Katarit. Pas tejkalimit të tensionit, patëm një takim të ngushtë me el-Sissin për gjysmë ore ose 45 minuta”, ka thënë më tej Erdogan.

Erdogan theksoi se ka nga ata që donin ta kthenin pakënaqësinë e Turqisë me vendet e Gjirit në përfitimet e tyre.

“Marrëdhëniet tona me Emiratet e Bashkuara Arabe (EBA) janë në një pozicion shumë të mirë. Do të jetë edhe më mirë”, tha ai, duke shtuar: “Kjo është e qartë se po shqetëson disa qarqe”.

Javën e kaluar, Erdogan shtrëngoi duart dhe bisedoi me el-Sissin ndërsa të dy u takuan në kryeqytetin e Katarit në margjinat e hapjes së Kupës së Botës 2022.

Egjipti dhe Turqia nuk kishin dërguar ambasadorë që nga viti 2013 kur marrëdhëniet u përkeqësuan pas rrëzimit të presidentit egjiptian Mohammed Morsi nga shefi ushtarak el-Sissi, tani president i vendit.

Marrëdhëniet Turqi-Egjipt kanë vazhduar në nivelin e të ngarkuarit me punë që nga viti 2013. Gjatë kësaj periudhe janë mbajtur takime të shkurtra mes ministrave të jashtëm të dy vendeve në raste të ndryshme.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat