Edhe pak ditë hyjnë në fuqi sanksionet e BE-së ndaj Rusisë, preket edhe Serbia

Evropë

Edhe pak ditë hyjnë në fuqi sanksionet e BE-së ndaj Rusisë, preket edhe Serbia

Më: 30 nëntor 2022 Në ora: 12:44
Aleksander Vucic

Nga 5 dhjetori, Serbisë do t’i ndalohet importi i naftës ruse përmes tubacionit kroat Janaf (Gazsjellësit Adriatik), si pasojë e hyrjes në fuqi të paketës së re të sanksioneve të Bashkimit Evropian ndaj Rusisë.

Megjithëse disa vende të Bashkimit Evropian u përjashtuan nga ndalimi i importit të naftës Ruse, Serbisë nuk iu dha një mundësi e tillë.

Pavarësisht sanksioneve, raporton e përditshmja serbe Nova.rs, ministria e minierave dhe energjetikës ka deklaruar se pas datës 5 dhjetor qytetarët serb do të mund të llogarisin në furnizimin e sigurt me naftë.

“Pas datës 5 dhjetor, kur do të hyjë në fuqi paketa e tetë e sanksioneve të BE-së kundër Federatës Ruse, do të sigurohet dërgesa pa probleme e të gjitha llojeve të naftës që disponohen në tregun e lirë, gjë që do të ruajë sigurinë e furnizimit të rafinerisë së Pançevë”, ka thënë ministra e minierave dhe energjetikës në Serbi, raporton Nova.rs.

Vendimi për ndalimin e importit të naftës ruse në Serbi kishte zemëruar mjaftë shumë liderët serbë.

Sipas presidentit të Serbisë, Aleksandër Vuçiq, disa vende të BE-së janë të përjashtuara nga ky ndalim dhe e njëjta ishtë dashur të zbatohet edhe për Serbinë.

Për këtë Vuçiç, pati fajësuar Kroacinë.

Shtetet e Bashkimit Evropian, më 5 tetor, patën votuar për paketën e tetë të sanksioneve kundër Rusisë, të cilat përfshijnë kufizimin e çmimeve të naftës ruse të eksportuara nga vendet e treta.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat