​Baerbock: Bllokada e hyrjes në Shengen për Rumaninë e Bullgarinë, një ditë e keqe për Evropën

Evropë

​Baerbock: Bllokada e hyrjes në Shengen për Rumaninë e Bullgarinë, një ditë e keqe për Evropën

Më: 8 dhjetor 2022 Në ora: 19:32
Annalena Baerbock

Bllokimi i hyrjes së Rumanisë dhe Bullgarisë në zonën Shengen është një ditë e keqe për Evropën, tha sot ministrja e Jashtme gjermane, Annalena Baerbock.

Dy anëtarëve ballkanikë të BE-së u është mohuar sot qasja në zonën e Bashkimit Evropian ku është e mundur lëvizja e njerëzve pa pasaportë, pas kundërshtimeve të udhëhequra nga Austria.

“Deri në momentin e fundit kemi luftuar për ta siguruar pranimi i Bullgarisë dhe Rumanisë në zonën Shengen”, tha ajo në një konferencë për shtyp në Dublin.

Ajo theksoi se një vendim i tillë është më se i gabuar, jo vetëm në kuadrin evropian, por edhe nga pikëpamja gjeopolitike.

“Në vend që të jemi krenarë që bëmë diçka të mirë për Evropën, duhet të pranojmë se kjo është një ditë e keqe për bashkimin tonë”, tha ministrja e Jashtme gjermane.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat