Marrëdhëniet me Kinën janë një çështje politike më komplekse për Bashkimin Evropian sesa marrëdhëniet e tij me Rusinë, tha Përfaqësuesi i Lartë i BE-së për Politikë të Jashtme dhe Siguri, Josep Borrell, në një artikull të botuar në gazetën spanjolle El Pais.
“Si të veprohet me Kinën është një çështje politike e rendit të parë për BE-në, më e vështirë sesa përballja me Rusinë”, tha ai. “Në të vërtetë, sistemet politike dhe ekonomike të BE-së janë shumë të ndryshme nga Rusia dhe Kina.”
Sipas Borrell, Pekini kërkon të “ndërtojë një rend të ri botëror me PRC në qendër”, duke u bërë “nga mesi i shekullit fuqia e parë në botë”.
“BE duhet të jetë e vetëdijshme se shumë vende e shohin ndikimin gjeopolitik të Kinës si një kundërpeshë ndaj Perëndimit dhe për rrjedhojë ndaj Evropës,” tha Borrell. Ai beson se Bashkimi Evropian duhet të rishqyrtojë politikën e tij ndaj Kinës për tre arsye: “ndryshimet brenda Kinës”, “intensifikimi i konkurrencës strategjike midis SHBA-së dhe Kinës” dhe “ngritjes së Kinës si një lojtar kyç në problemet rajonale dhe globale”.
