Italia ka dalë me thirrje ndaj ambasadorit të Hungarisë pas imazheve që janë shfaqur të një gruaje italiane me pranga në një gjykatë të Budapestit, të cilat kanë shkaktuar zemërim publik dhe politik.
Ilaria Salis, një mësuese e shkollës fillore 39-vjeçare nga Monza, pranë Milanos, u paraqit në gjykatë më 29 janar me pranga në duar dhe këmbë.
Ajo akuzohet se ka marrë pjesë në sulme të dhunshme kundër simpatizantëve neonazistë në shkurt 2023.
Një seri sulmesh ndodhën pas një mitingu neo-nazist në Budapest.
Militantët e supozuar të së majtës dyshoheshin se kishin sulmuar disa njerëz pas tubimit vjetor të “Ditës së Nderit” – një përkujtimore e ekstremit të djathtë të trupave naziste në Budapestin e rrethuar gjatë Luftës së Dytë Botërore.
Një video që tregon aktivistët antifashistë duke shkelmuar dhe rrahur një hungarez, i cili është i shtrirë në tokë, ka qarkulluar gjerësisht në Hungari. Sulmuesit nuk janë të identifikueshëm.
Dy shtetas gjermanë u arrestuan së bashku me Salis menjëherë pas. Njëri u deklarua fajtor dhe u dënua me 3.5 vjet burg.
Salis, e cila akuzohet për komplot për të kryer sulme duke shkaktuar lëndime të rënda trupore dhe përballet me 11 vjet burg nëse shpallet fajtore, ajo është deklaruar e pafajshme.
Prokurori ka pohuar se ajo dhe i akuzuari tjetër erdhën në Hungari shprehimisht “për të kryer sulme të shpejta që mund të shkaktojnë lëndime serioze kundër njerëzve që besohet se janë të ekstremit të djathtë”.
Edhe pse Salis ka qenë në burg për gati një vit, çështja e saj filloi të tërhiqte vëmendjen vetëm në tetor pasi babai i saj, Roberto, foli publikisht për një letër në të cilën vajza e tij raportonte kushtet e rënda të paraburgimit.
Më vonë, në një intervistë me gazetën italiane Repubblica, një ish-shoqe qelie e zonjës Salis raportoi se ajo po mbahej qëllimisht në një qeli “të mbushur me minj dhe insekte”.
Interesi për çështjen u rrit të hënën kur imazhet e Solis të prangosur në gjykatë u shpërndanë gjerësisht nga mediat italiane. Një peticion në internet që kërkon që Salis të kthehet në Itali ka mbledhur deri më tani më shumë se 90,000 nënshkrime.
Të martën, Antonio Tajani, ministri i Jashtëm italian, tha se kishte thirrur ambasadorin hungarez në Romë “për të pyetur pse nuk respektoheshin disa nga normat më themelore për kushtet e të burgosurve”, shkruan BBC.
