Në Rusi arrestohen katër persona për shitje të dokumentacionit të rremë - Bota Sot
Në Rusi arrestohen katër persona për shitje të dokumentacionit të rremë

Evropë

Në Rusi arrestohen katër persona për shitje të dokumentacionit të rremë

Më: 7 mars 2018 Në ora: 14:14
Pjesëtarë të policisë ruse, foto nga arkivi

Policia në Shën Petersburg ka njoftuar se ka arrestuar një grup të burrave rusë, të cilët akuzohen për fabrikimin dhe shitjen e dokumentacionit identifikues të rremë nga një shtet jo ekzistues i Ishujve Karaibe.

Zëdhënësja e ministrisë së Brendshme ruse, Irina Volk, ka thënë se grupi ka prodhuar pasaporta të rreme dhe licenca të veturave, duke i shitur tek punëtorët e huaj që nuk kanë dokumente.

Ato janë lëshuar në emrin e një shteti të imagjinuar, të cilin e kanë quajtur “Mbretëria e Ishullit të Lirë të ASPI”.

Volk ka thënë se grupi ka shitur dokumente me çmime që kanë ndryshuar në mes të 15,000 e 100,000 rublash, apo 26 deri në 1,760 dollarë.

Policia ka ndaluar një 64 vjeçar, i cili është akuzuar për udhëheqje të grupit dhe për faktin se ai ka prenteduar të ketë qenë është konsulli i shtetit të huaj.

Dy burra të tjerë, të moshave 35 dhe 44 vjeçare, janë akuzuar për gjetjen e “klientëve” për të blerë dokumente, ndërsa një tjetër 44 vjeçar është akuzuar për prodhimin e të njëjtave.

Të katër personat janë akuzuar për mashtrim.

Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
test