Vrasja e gazetares bullgare, Gjermania do të ekstradojë të dyshuarin - Bota Sot
Vrasja e gazetares bullgare, Gjermania do të ekstradojë të dyshuarin

Evropë

E martë, 16 tetor 2018

Vrasja e gazetares bullgare, Gjermania do të ekstradojë të dyshuarin

Më: 12 tetor 2018 Në ora: 14:00
Viktoria Marinova

Një gjykatë gjermane tha të premten se i dyshuari për përdhunimin dhe vrasjen e gazetares bullgare, Viktoria Marinova, do të ekstradohet në Bullgari në ditët e ardhshme.

"Ekstradimi i të akuzuarit mund të pritet shpejt", tha përmes një deklarate gjykata në qytetin Celle.

Sipas saj, i dyshuari, 20 vjeç, i cili është arrestuar të martën në Gjermani në bazë të një urdhërarresti evropian, ka thënë gjatë marrjes në pyetje se "nuk ka dashur ta vrasë viktimën" dhe ka mohuar se e ka përdhunuar.

"I dyshuari ka pranuar se ka pasur një argument verbal me viktimën më 6 tetor, 2018", tha gjykata, për të shtuar se "ai ka qenë nën ndikim të fuqishëm të alkoolit dhe drogës" dhe se "e ka grushtuar gruan".

Prokurorët bullgarë kanë thënë se vrasja nuk duket se është e lidhur me punën e Marinovas si gazetare.

Marinova për shumë vite ka punuar në stacionin televiziv TVN në Bullgari dhe ka udhëhequr një program për aferat korruptive, të quajtur Detektor.

Kryeprokurori i Bullgarisë, Sotir Tsatsarov, e identifikoi të dyshuarin si Severin Krasimirov, i lindur më 1997.

Shfaq komentet
comments powered by Disqus
Sot mund të lexoni Shfletoni kopertinat
Sondazh
test