Itali, revolta e 70 mijë studentëve! - Bota Sot
Itali, revolta e 70 mijë studentëve!

Evropë

E martë, 13 nëntor 2018

Itali, revolta e 70 mijë studentëve!

Më: 12 tetor 2018 Në ora: 21:00
Protesta në Itali

Më shumë se 70 mijë studentë në të gjithë Italinë janë revoltuar sot kundër politikave të qeverisë për kostot ekonomike të studimit.

Protestat kanë denoncuar gjithashtu mungesën e burimeve dhe masave konkrete për të luftuar pasigurinë në tregun e punës. Në Torino shumë studente kanë djegur manikinë që përfaqësojnë Matteo Salvinin dhe Luigi Di Maion.

Protesta nga studentet e Romës nisi më thirrjen “Kush ka frike te ndryshoje? Ne jo!” Manifestimi i protestës u përqendruar përpara Ministrisë së Arsimit. Sipas organizatorëve, numri i pjesëmarrësve në shesh ka qenë 5000 studentë! Një mur i ndërtuar me kuti kartoni mbi të cilat ishin vendosur fotografi të ministrave të qeverisë u shkallmua agresivisht nga studentët e Romës. Ndërsa në Napoli protesta nisi në sheshin Garibaldi, ku studentë dhe emigrantë bashkë mbanin në duar tabela ku shkruhej: “Kur padrejtësia bëhet ligj, rezistenca bëhet detyrë”! Manifestuesit, të shoqëruar nga forcat e policisë e përqendruan protestën e tyre në institucionin e prefekturës.

“Të gjithë flasin për ne, por askush nuk flet me ne”, ishte slogani që përdoren studentët protestues në Bari. Ndërsa në Palermo slogani kryesor ishte: Nëse qeveria nuk ka frikë të ndryshojë, ta demostrojë duke investuar në arsim!

Image
Shfaq komentet
comments powered by Disqus
Sot mund të lexoni Shfletoni kopertinat
Sondazh
test