Mbrojtësi i të rinjve të Partizanit, Gentian Murati do t’i nështrohet një prove në Itali në datën 4 korrik, ku do të testohet me skuadrën e Udinezes që militon në Serinë A.
Lajmi është bërë publik nga “tuttoudinese.it”, teksa talenti 18-vjeçar do të kërkojë të bindë drejtuesit e klubit bardhezi, për të hedhur një hap tepër të rëndësishme në karrierë.
Murati gjithashtu është pjesë e Kombëtare tonë U-18, ndërkohë që shquhet për fizikun e tij gjigand, afro 195 cm i gjatë.
Për Muratin këtë vit ka pasur kërkesa të tjera edhe nga Fiorentina dhe Monaku, por shqiptari duket se ka zgjedhur Udinesen.
