Trajneri Zinedine Zidane është ende në kërkim të një portieri të dytë, duke qenë se e ardhmja e Keylor Navas është larg Madridit. Për këtë arsye, trajneri francez ka piketuar veteranin holandez Maarten Stekelenburg, që luan në Premier League me skuadrën e Everton.
Zidane ka kërkuar më herët edhe Pepe Reina, portierin e dytë të Milanit, por ende nuk është arritur marrëveshja (ka rrogë të lartë). Për të evituar që të mbesë “zbuluar”, pa një portier të dytë në momentin që do të ikë Navas, klubi po sheh edhe për mundësi të tjera.
Sipas “Football Insider”, portieri 36-vjeçar Stekelenburg, që ka një kontratë deri në vitin 2020 me Everton, është gati të transferohet në La Liga për të veshur fanellën “merengues”. Portieri 36-vjeçar në dy sezonet e fundit ka koleksionuar në total vetëm 5 ndeshje.