Klubi futbollistik, Prishtina, nuk po kalon në situatë aspak të mirë.
Rezultatet e dobëta dhe politikat e kryesisë së klubit kanë shtyrë që tifozët e skuadrës të jenë jashtëzakonisht të pakënaqur.
‘Plisat’ ndërprenë takimin kundër Llapit për disa minuta, duke hedhur mjetet piroteknike në fushë, si shenjë proteste kundër Remzi Ejupit.
Situata e skuadrës së Prishtinës u përmirësua pakëz me fitoren në xhiron e kaluar kundër Trepçës 89, por duket se diçka akoma nuk shkon.
Faqja zyrtare e skuadrës ka njoftuar për një konferencë të jashtëzakonshme, por nuk ka dhënë ndonjë arsye shtesë.
Konferenca do të fillojë në ora 11:00, në zyrat e klubit, në pjesën jugore të stadiumit ‘Fadil Vokrri’.