Messi regjistroi edhe dy rekorde tjera, pas fitores së Argjentinës kundër Australisë

Futboll

Messi regjistroi edhe dy rekorde tjera, pas fitores së Argjentinës kundër Australisë

Më: 4 dhjetor 2022 Në ora: 10:30
Messi

Lionel Messi ka regjistruar edhe dy rekorde të reja, pas fitores së Argjentinës kundër Australisë të shtunën mbrëma.

Të përzgjedhurit e Lionel Scalonit fituan me rezultatin 2:1, duke siguruar kështu kalimin për në çerekfinale të Kupës së Botës.

Messi, i cili u shpall lojtari i ndeshjes, ka shkuar në shifrën e 94 golave me Argjentinën, pasi shënoi edhe mbrëmë.

Për 35-vjeçarin ishte ky goli i nëntë vetëm në Kupën e Botës. Kësisoj, ai u bë golashënuesi i dytë më i mirë i Argjentinës në këtë turne.

Messi kaloi Diego Armando Maradonan, i cili kishte shënuar tetë sosh.

Shtatë herë fituesi i “Topit të Artë” tani është vetëm një gol larg rekordit të Gabriel Batistutas, i cili kishte shënuar 10 gola nga 12 paraqitjet e tija në Kupën e Botës.

Messi e ka kaluar gjithashtu Maradonan, duke u bërë edhe lojtari me më shumë paraqitje të Argjentinës në Kupën e Botës.

Ndeshja kundër Australisë ishte e 22-ta për sulmuesin e Paris Saint-Germainit në këtë garë.

Kujtojmë se Lionel Messi mund të regjistrojë edhe rekorde të reja, pasi Argjentina është ende në garë.

Kombëtarja amerikano-jugore në çerekfinale do të takohet me Holandën.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat