Kombëtarja e Kosovës U21 nën drejtimin selektorit Afrim Tovërlani ka shënuar fitore të madhe me rezultat 3:1 ndaj Izraelit U21, në stadiumin “Zahir Pajaziti” në Podujevë.
Për Kosovën shënuan Bleron Krasniqi (6' e 10') e Veton Tusha (80') dhe për Izraelin U21 realizoi Nachmani (24').
Kosova renditet në vend të tretë në grupin D me 8 pikë pas gjashtë ndeshjeve në kuadër të kualifikueseve për Kampionatin Evropian U21.
President i FFK-së, Agim Ademi, i ka uruar djelmoshat për këtë fitore,
“Kombëtarja U21 triumfoi 3:1 kundër Izraelit në ndeshjen e sotme në kuadër të kualifikimeve për “Euro 2025” që u zhvillua në "Zahir Pajaziti".
Kjo është fitorja e dytë e Dardanëve të rinj në këtë cikël kualifikues.
Përgëzoj djemtë për paraqitjen në këtë ndeshje dhe për fitoren e arritur. Po ashtu, përgëzoj edhe stafin në krye me përzgjedhësin Afrim Tovërlani.
Shpresoj që sot të kemi fitore edhe për Kombëtaren U19 dhe për Kombëtaren A”, ka uruar Ademi.
