Kusari-Lila e bindur: Nuk po them që s’do ta uroj, por po them se do të më urojnë

Gjakova

Kusari-Lila e bindur: Nuk po them që s’do ta uroj, por po them se do të më urojnë

Më: 11 nëntor 2021 Në ora: 22:44
Mimoza Kusari-Lila

Kandidatja e Vetëvendosjes për kryetare të Gjakovës, Mimoza Kusari-Lila, sa ishte e ftuar në Rubikon në përballjen e saj me kundërkandidatin, Ardian Gjini, ndër të tjera tha se beson se do ta fitojë garën për këtë komunë.

Kur u pyet se a do ta uronte kundërkandidatin nëse ai do të shpallej kryetar në natën e së dielës, Kusari-Lila, u shpreh e bindur se ajo do të dalë fituese e kësaj gare.

“Po unë i mirëpres urimet nga zotëri Gjini në natën e 14 nëntorit… Do t’i uroj qytetarët e Gjakovës që kanë zgjedhur kryetaren Mimoza Kusari Lila”, ka thënë ajo.

Edhe kur u pyet për të dytën herë, ajo theksoi se do të marrë urime e jo të bëjë urime në natën e 14 nëntorit.

“Nuk po them që s’do ta uroj, por po them që do të më urojnë”, ka thënë Kusari-Lila.

Edhe herën e tretë me radhë, se si do e uronte kundërkandidatin, ajo prapë iu shmang një urimi të tillë.

“Është shumë e thjeshtë punë të mbarë dhe projekte të mirëfillta, që do të realizohen në mandatin tim”, ka vazhduar ajo.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat