Kryetari Gjini takohet me përfaqësues të Asamblesë Komunale të Fëmijëve

Gjakova

Kryetari Gjini takohet me përfaqësues të Asamblesë Komunale të Fëmijëve

Më: 7 prill 2022 Në ora: 18:11
Pamje nga takimi

Kryetari i Gjakovës, Ardian Gjini ka pritur sot në takim përfaqësues të Asamblesë Komunale të Fëmijëve.

“I lumtur që ditën e punës e fillova me Rean, Gertin, Arsën e Lean, përfaqësuesit e Asamblesë Komunale të Fëmijëve. Se sa me zell e përgjegjësi kanë zhvilluar aktivitetet e tyre gjatë vitit paraprak, ata sot më dorëzuan edhe një raport pune në të cilin kanë prezantuar të gjitha ngjarjet, sfidat dhe plotësimet që duhet të bëhen për zhvillimin e politikave për të drejtat e fëmijëve”, ka shkruar kryetari Gjini në një postim në Facebook.

Asambleja Komunale e Fëmijëve është organ legjitim i organizimit, përfaqësimit dhe pjesëmarrjes së fëmijëve në vendimmarrje në nivel lokal.

Qëllimi i asamblesë është të ngrit zërin e fëmijëve, të ndikojnë në përfshirjen e fëmijëve në vendimmarrje si në shkollë, familje, shoqëri dhe institucione ku ka të bëjë më ta apo ku ata janë pjesë e saj.

Roli i asambleve komunale të fëmijëve është integrimi i rolit të fëmijëve në vendimmarrje dhe me rëndësi më të veçantë nga institucionet përgjegjëse për fëmijët duke përmirësuar kështu pozitën e fëmijëve në nivel lokal dhe qendror, që fëmijët të jenë pjesë e politikave zhvillimore në komunë dhe shtet.

Asambleja e fëmijëve përbëhet nga nxënësit të shkollave të mesme të ulëta dhe çdo anëtar përfaqëson interesat e shkollës prej nga vjen.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat