Rektori i Universitetit të Gjakovës flet për pjesëmarrjen në Konferencën Ndërkombëtare të Budapestit

Gjakova

Rektori i Universitetit të Gjakovës flet për pjesëmarrjen në Konferencën Ndërkombëtare të Budapestit

Më: 30 prill 2022 Në ora: 01:01
Artan Nimani

Drejtuesit e Universitetit të Gjakovës, po marrin pjesë në Konferencën Ndërkombëtare të Universiteteve në Budapest.

Rektori i këtij universiteti, Artan Nimani përmes një lidhje direkte në “Edicionin Special”, tha se në këtë konferencë po marrin pjesë mbi 800 universitete

Nimani u shpreh se Asociacioni i Universiteteve të Evropës, pjesë e të cilit janë universitete nga 46 vende të ndryshme, përcjell aktivitetet e arsimit të lartë në hapësirën evropiane.

“Asociacioni i Universiteteve të Evropës është asociacioni më i madh i universiteteve i cili në gjirin e saj ka mbi 800 universitete nga 46 vende të ndryshme, fal angazhimit dhe përkrahjes të universiteteve mike, ne nga viti i kaluar jemi anëtarësuar në këtë institucion i cili harton politikat e Bashkimit Evropian mbi arsimin e lartë dhe i cili i përcjell pothuajse të gjitha zhvillimet që kanë të bëjnë me konferencën e Bolonjës, por edhe me aktivitetet në përgjithësi të arsimit të lartë në hapësirën evropiane. Si asociacion është i rëndësishëm për shkak të ndikimi të tij në politikbërjen e Bashkimit Evropian, por edhe në reformat në arsimit e lartë”, u shpreh ai.

Tutje, Rektori i Universitetit të Gjakovës tregoi se për çka është diskutuar në këtë konferencë.

“Dje kemi filluar me asamblenë e përgjithshme të Asociacionit të Universiteteve të Evropës dhe si zakonisht si çdo asamble e përgjithshme ka për detyrë që të hartojë dhe miratojë planin e punës, raportin financiar për vitin e kaluar, raportin e buxhetit, zhvillime e investimet në shkencë. Vitin e kaluar ka qenë në formë online”, u shpreh ai.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat