​Gjini takon bizneset e Gjakovës, iniciohet formimi i Klubit të Bizneseve

Gjakova

​Gjini takon bizneset e Gjakovës, iniciohet formimi i Klubit të Bizneseve

Më: 27 maj 2022 Në ora: 14:16
Foto ilustrim

Në një atmosferë të mirë e me frymë bashkëpunimi, kryetari i komunës së Gjakovës Ardian Gjini, ka takuar disa nga përfaqësuesit e bizneseve që operojnë e veprojnë në komunën e Gjakovës.

Qëllimi primar i këtij takimi ishte inicimi i formimit të Klubit të Bizneseve të Gjakovës, si një mundësi e mirë që bizneset të kenë një trup të përbashkët që do të ndikojë në përmirësimin e të bërit biznes e rrjedhimisht edhe fuqizimin e sektorit prodhues, shërbyes e tregtar në Gjakovë.

Në bashkëbisedim me përfaqësuesit e bizneseve, kryetari Gjini ka rikujtuar se në 4 vitet e fundit, biznesi në Gjakovë ka pasur një hov të madh të zhvillimit.

Krejt kjo falë guximit dhe vendosmërisë së vet bizneseve për të avancuar aktivitetin e vet, por edhe falë qeverisjes lokale e cila në këtë mes e llogarit veten jo si pushtet, por si partner i bizneseve private.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat