Gjini: Vdekja e parakohshme e Mentor Salihitit është dhimbje e madhe për tërë Kosovën

Gjakova

Gjini: Vdekja e parakohshme e Mentor Salihitit është dhimbje e madhe për tërë Kosovën

Më: 6 korrik 2022 Në ora: 18:38
Ardian Gjini

Me homazhe dhe vendosje të kurorave me lule, është nderuar sot mjeku i Qendrës së Mjekësisë Familjare në Gjakovë Dr. Mentor Salihi, i cili u aksidentua ditë më parë gjatë kryerjes së detyrës zyrtare.

Në një ceremoni homazhi të mbajtur në Pallatin e Kulturës “Asim Vokshi”, në Gjakovë, qindra qytetarë kanë shprehur ngushëllimet për këtë humbje të madhe, teksa u vlerësua lartë personaliteti, profesionalizmi dhe kontributi i të ndjerit.

Në këtë ceremoni ka marrë pjesë edhe kryetari i komunës së Gjakovës Ardian Gjini, i cili në fjalën e tij, mes tjerash, tha se dhembja që ka shkaktuar vdekja e parakohshme e dr. Mentorit është e madhe, sidomos për familjen e të ndjerit, por gjithashtu edhe për tërë qytetarët e Gjakovës dhe Kosovës, për faktin se u shua jeta e një të riu dhe një profesionisti aq të nevojshëm në ditët e sotme në vendin tonë.

I ndjeri Mentor Salihu do të varroset në vendlindjen e tij në fshatin Nivokaz.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat