Çeku: Gjatë 18 muajve të qeverisjes, dhjetëra monumente janë shpëtuar nga shkatërrimi

Gjakova

Çeku: Gjatë 18 muajve të qeverisjes, dhjetëra monumente janë shpëtuar nga shkatërrimi

Më: 2 tetor 2022 Në ora: 18:58
Foto nga vendngjarja

Kryeministri Albin Kurti dhe ministri i Kulturës, Rinisë dhe Sporteve, Hajrulla Çeku, kanë vizituar sot monumentet e trashëgimisë kulturore në Pejë, Deçan e Gjakovë.

Çeku, përmes një postimi në Facebook, ka thënë se gjatë 18 muajve të fundit, dhjetëra monumente janë shpëtuar nga shkatërrimi.

“Kujdesi ndaj historisë sonë dhe shfrytëzimi i potencialit socio-ekonomik janë arsyet themelore të investimeve në këto asete. Qeveria e Kosovës ka plan ambicioz për trashëgiminë kulturore. Gjatë 18 muajve të qeverisjes, dhjetëra monumente janë shpëtuar nga shkatërrimi dhe shumë prej tyre po rifunksionalizohen përmes ndërhyrjeve emergjente dhe atyre restauruese”, ka shkruar Çeku në Facebook.

Çeku tha se Kulla e Sheremetit në Pejë, Kulla e Tahirsylajve në Isniq të Deçanit, Muzeu etnografik e Hani i Haraqisë në Gjakovë janë disa nga asetet ku punimet janë në fazën përfundimtare.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat