Kryetari i Aleancës për Ardhmërinë e Kosovës (AAK), Ramush Haradinaj, si çdo fundvit edhe kësaj here ka takuar familjet e dëshmorëve të Brigadës 137 dhe komandantin e kësaj brigade Agron Kryeziu, së bashku me kryetarin e Gjakovës Ardian Gjini.
Haradinaj në një postim në Facebook tha se ndjehet krenar me rrugëtimin tonë për liri, kontributin dhe sakrificën e luftëtarëve, dëshmorëve dhe martirëve që Gjakova i ka dhënë vendit.
“Sot në Gjakovë, bashkë me kryetarin e Gjakovës, Ardian Gjini dhe kolegë të tjerë, kisha kënaqësinë që sipas traditës, si çdo fundvit t'i takoj familjet e dëshmorëve të Brigadës 137 dhe komandantin e kësaj brigade Agron Kryeziu. Si shtet por edhe si shoqëri, kemi ende shumë punë për të bërë. Me kujdesin e të gjithë neve, ashtu siç Ardiani bënë punë të mirë në Gjakovë, së bashku do t'i kryejmë punët e mbetura të Kosovës. Viti që vjen, qoftë një vit më i mirë se ky që po lëmë pas”, ka thënë Haradinaj.
