Alternativa akuzon për keqpërdorime Kuvendin Komunal të Gjakovës - Bota Sot
Alternativa akuzon për keqpërdorime Kuvendin Komunal të Gjakovës

Gjakova

Alternativa akuzon për keqpërdorime Kuvendin Komunal të Gjakovës

Më: 4 dhjetor 2018 Në ora: 14:43
Dega e Alternativës në Gjakovë

Dega e Alternativës në Gjakovë përmes një kumtese për media ka thënë se Kuvendi Komunal i Gjakovës është duke keqpërdorur votat e asamblistëve për shfuqizimin e interesit të veçantë për pronat rreth Kullës Sulejman Vokshit.

“Në mbledhjen e sotme të Kuvendit Komunal në Gjakovë, nga kryesuesi Anton Shala dhe sekretaria e Kuvendit janë keqpërdorur votat e asamblistëve të Komunës së Gjakovës në lidhje me shfuqizimin e interesit të veçantë për pronat rreth Kullës Sulejman Vokshit në Gjakovë. Zyrtarisht Kuvendi Komunal në Gjakovë, ka numëruar qëllimisht gabim votat e Asamblistëve për çështjen e Kullës Sylejman Vokshit”, thuhet në reagim.

Sipas Alternativës, për shfuqizimin e vendimit për interesin e veçantë për pronat rreth kullës kanë votuar:

Për:

AAK - 8

PDK - 4

PSHDK - 3

Gjithsej 15 vota

Kundër:

ALTERNATIVA - 6

VV - 4

LDK - 3

NISMA - 3

Gjithsej 16 vota

Abstenim:

Shpend Kumnova ( Asamblist i pavarur) – 1

Përderisa nga kryesuesi dhe sekretaria e kuvendit janë numëruar 15 vota për, 14 kundër dhe 1 abstenim.

“Nga e gjithë kjo edhe përkundër reagimit të asamblistëve dhe konfirmimit në foltore të vullnetit të tyre, Kryesuesi Anton Shala në mënyrë të qëllimshme as që e ka marrë për bazë këtë çështje, duke keqpërdorur detyrën e tij zyrtare dhe duke ndikuar që me çdo kusht të realizoj propozimin e kryetarit të Komunës së Gjakovës Ardian Gjini”, thuhet në kumtesën për media të partisë së ish-kryetares së Gjakovës, Mimoza Kusari-Lilës.

Sipas tyre, nëse sekretaria e Kuvendit Komunal nuk e përmirëson gabimin , atëherë zyrtarisht ankesa do i adresohet  MAPL-së. 

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...