Shkaqet e aksidentit tragjik në Gjilan do të hetohen nga një ekspert i komunikacionit - Bota Sot
Shkaqet e aksidentit tragjik në Gjilan do të hetohen nga një ekspert i komunikacionit

Gjilani

Shkaqet e aksidentit tragjik në Gjilan do të hetohen nga një ekspert i komunikacionit

Më: 13 mars 2019 Në ora: 16:22
Aksidenti

Një i vdekur e 23 të lënduar ishte bilanci i aksidentit të tmerrshëm që ndodhi në qendër të Gjilanit.

Aksidenti, sipas hetimeve të para erdhi pasi që kamioni i kompanisë së ujit “Peja” i kishte frenat e prishur.

Madje, prokuroria po dyshon se kamioni kishte tash e dy vite që nuk ishte i regjistruar.

E në lidhje me këtë çështje, prokuroria e Gjilanit ka bërë të ditur për lajmi.net se ka nxjerrë aktvendim, në bazë të së cilit do të angazhohet një ekspert i komunikacionit, dhe nga ekspertiza do të përcaktohen shkaqet e këtij aksidenti.

“Prokuroria në këtë drejtim, ka marrë aktvendim për angazhim të ekspertit të komunikacionit, ku nga ekspertiza do të përcaktohen shkaqet, nga të cilat është shkaktuar ky aksident”, thuhet në përgjigjen e Prokurorisë.

Po ashtu, nga Prokuroria e Gjilanit kanë bërë të ditur për lajmi.net se do të angazhohet edhe një ekspert mjeko-ligjor, në bazë të së cilit do të përcaktohet natyra e lëndimeve trupore tek të lënduarit.

“Gjithashtu, prokuroria do të angazhojë edhe ekspert mjeko-ligjor, në mënyrë që të përcaktohet natyra e lëndimeve trupore, tek të lënduarit”, kanë thënë më tutje nga Prokuroria.

Qerim Çoçaj mbeti i vdekur nga aksidenti i tmerrshëm në qendër të Gjilanit ku përveq kamionit u përfshinë edhe shumë vetura.

Menjëherë pas rastit, nga Policia e Kosovës ishte arrestuar shoferi i kamionit ndërkaq që më vonë nga Prokuroria u ndalua edhe pronari i kompanisë së Ujit “Peja”.

Duke mos dashurt të komentojë më shumë për ecurinë e procesit, nga Prokuroria e Gjilanit kanë thënë për lajmi.net se janë në fazën fillestare të hetimeve. 

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...