Gjilani ndan 200 mijë euro për hapjen e puseve, apelohen qytetarët që të kursejnë ujin e pijshëm - Bota Sot
Gjilani ndan 200 mijë euro për hapjen e puseve, apelohen qytetarët që të kursejnë ujin e pijshëm

Gjilani

Gjilani ndan 200 mijë euro për hapjen e puseve, apelohen qytetarët që të kursejnë ujin e pijshëm

Më: 10 tetor 2019 Në ora: 11:17
Foto

E ndodhur në një situatë emergjente në mungesë të ujit të pijshëm, komuna e Gjilanit në bashkëpunim me Kompaninë Regjionale të Ujit Hidromorava, ka ndarë sot 200 mijë euro për hapjen e puseve të reja, transmeton KosovaPress.

Kështu u bë e ditur në një komunikatë për media pas takimit te Task Forcës për Menaxhimin e Thatësisë, të udhëhequr nga kryetari i komunës së Gjilanit, Lutfi Haziri.

Në këtë njoftim thuhet se Haziri ka thënë se si pasojë e thatësisë, gjendja me furnizim të ujit të pijshëm vazhdon të jetë emergjente, derisa ka apeluar qytetarët që ta kursejnë ujin maksimalisht.

“Përndryshe, në mungesë të reshjeve mund të mbyllet përkohësisht furnizimi nga Penda e Përlepnicës shkaku i ndotjes”, ka thënë ai.

Drejtori i KRU Hidromorava, Muhamet Suliqi, tha se do të vazhdojë reduktimi i ujit, 14 orë në ditë, derisa pohoi se zgjidhja e përkohshme është hapja e puseve tek kazerma e FSK-së dhe në lagjen Fidanishte.

Aktualisht, Gjilani po furnizohet nga Penda e Përlepnicës, nga burimi Guri Hoxhës, te Baja dhe në Velekincë.

Komuna e Gjilanit dhe Kompania Hidromroava kanë kërkuar nga Këshilli Ndërministror për Menaxhimin e  Thatësisë që të ndërhyjnë me mjete financiare për të zbutur gjendjen e furnizimit të ujit të pijshëm.

Përndryshe, në kuadër të këtij projekti emergjent, Komuna e Gjilanit  ka ndarë 140 mijë euro, ndërkaq KRU Hidromorava 60 mijë.

Shfaq komentet
comments powered by Disqus
Sot mund të lexoni Shfletoni kopertinat