Haziri: Në Gjilan kemi shkallë të lartë të përmirësimit të situatës kundër Covid-19 - Bota Sot
Haziri: Në Gjilan kemi shkallë të lartë të përmirësimit të situatës kundër Covid-19

Gjilani

Haziri: Në Gjilan kemi shkallë të lartë të përmirësimit të situatës kundër Covid-19

Nga: Bota Sot Më: 7 maj 2020 Në ora: 14:18
Pamje nga takimi

Komiteti për menaxhimin e emergjencave në Gjilan kundër përhapjes së Covid-19, në takimin e mbajtur të mërkurën, ka vlerësuar situata gjendjen në 24 orët e fundit, duke konstatuar se ka shkallë të lartë të përmirësimit.

Kreu i Gjilanit, Lutfi Haziri, ka thënë se nuk ka asnjë pacient me tretman në Klinikë, duke shtuar se 21 pacientë janë në vetizolim.

“Kjo është arritur fal angazhimit të institucioneve komunale, regjionale, përfshirë edhe KBI’në dhe komunitetet tjera fetare. Nga 51 rastet e infeksionit, 2 kanë ndërruar jetë, 21 janë në vetizolim, ndërkaq të tjerët janë shëruar plotësisht”, ka thënë Haziri.

Haziri tha se beson që rezultatet për testet e sotme të dalin sipas pritjeve, në mënyrë që infeksioni të ulet në pikën zero.

Haziri ka kërkuar nga të gjithë qytetarët që të vazhdojnë ta respektojnë orarin e qarkullimit dhe masat kundër përhapjes së coronavirusit.

Në këtë konferencë, kanë adresuar mesazhet e tyre edhe nënkryetari i Komunës, Arbër Ismajli, kryetari i Këshillit të Bashkësisë Islame në Gjilan, Naim Aliu, drejtori i Qendrës Kryesore të Mjekësisë Familjare, dr. Fejzulla Berisha dhe komandanti i Stacionit Policor në Gjilan, major Alban Ramushi.

Shfaq komentet
comments powered by Disqus
Sot mund të lexoni Shfletoni kopertinat