​Gjilani shpërndan laptopë për nxënësit në tri fshatra - Bota Sot
​Gjilani shpërndan laptopë për nxënësit në tri fshatra

Gjilani

​Gjilani shpërndan laptopë për nxënësit në tri fshatra

Më: 8 maj 2020 Në ora: 19:30
​Gjilan

Drejtoria Komunale e Arsimit në Gjilan, ka bërë sot shpërndarjen e laptopëve për nxënësit e fshatrave Gadish, Kishnapole, Sllakoc të Epërm dhe të Ulët, donacion ky që është dhënë nga kryetari Lutfi Haziri dhe ndërmarrja Elkos Group.

Drejtori i DKA’së, Nazim Gagica, tha se janë zgjedhur fëmijët e familjeve me gjendje të rëndë ekonomike dhe sociale duke u mbuluar numër i konsiderueshëm i nxënësve nga këto fshatra.

“Mësimi në distancë është një brengë e vazhdueshme për Komunën e Gjilanit në vazhdimësi gjatë përballjes me pandeminë globale Covid-19. Sot kemi mbështetur një numër të konsiderueshëm të nxënësve të këtyre fshatrave me laptop dhe ata tashmë kanë qasjen në orët mësimore. Këto pajisje që janë dhënë falas për nxënësit e këtyre anëve janë donacion nga kryetari i Komunës së Gjilanit Lutfi Haziri dhe ndërmarrja Elkos Group”, ka njoftuar drejtori, Nazim Gagica.

Njëkohësisht Gagica ka bërë të ditur se kërkesa është balancuar me nevojën dhe kushtet e familjeve, sepse nuk kishte më shumë sasi në këtë fazë.

Sot mund të lexoni Shfletoni kopertinat