Në konkurrencën e femrave, Ferizaj e Istogu sfidohen si mysafirë. Kampioni në fuqi Istogu, është i përgatitur maksimalisht dhe pret fitore pa vështirësi.
Hendbollistet Esma Muratoviq, Suzana Ujkiq, Tina Hetemi, Natalia Milatoviq, Albina Rugova, me bashkëlojtare zotohen për fitore në Ferizaj kundër Kastriotit. Istogu është favorite e madhe sepse ka cilësinë karshi Kastriotit. Këtë fundjavë luhen takimet e javës së tetë të Superligës së Kosovës (femrat). Lideri i klasifikimit, Ferizaj, shpreson të vazhdojë me fitore.
Skuadra ferizajase luan me Vëllaznimin në Gjakovë, të shtunën nga ora 14:00. Ferizaj i ka fituar shtatë ndeshjet e deritashme dhe udhëheq me 14 pikë.
Vëllaznimi i Gjakovës është i teti me 3 pikë. Të shtunën janë edhe dy ndeshje tjera të javës së tetë. Nga ora 13:00 në Deçan takohen skuadrat Jusuf Gërvalla e Vushtrria. Edhe në këtë ndeshje mysafiret janë favorite. Kampioni aktual, Istogu, nga ora 17:00 luan në Ferizaj ndaj Kastriotit. Istogaset po ashtu llogarisin në dy pikë tjera.
Dy ndeshje tjera janë të dielën. Prishtina e Shqiponja takohen nga ora 14:30 në palestrën “Dilloni Benz” në dalje të Fushë Kosovës. Ndërsa nga ora 13:30 në Gjilan takohen Drita e Samadrexha.
Ferizaj kryeson me 14 pikë, pasojnë Istogu 12, Vushtrria 10, Prishtina 10 etj. Edhe në Ligën e Parë të hendbollisteve është java e tetë. Të shtunën janë ndeshjet: Prizreni – CLICK (13:00), Ulpiana – KEK-u (12:00), Trepça – Llapusha (12:00). Të dielën janë dy takime tjera: Verona – Dukagjini (15:00), Deçani – Vjosa (11:30).
Superliga, meshkujt
E shtunë
Prizreni-Vushtrria 16.00
Drenica-Vëllaznimi 19.00
Llapi-Drita 19.00
Besa Famgas-Kastrioti 19.00
Femrat
E shtunë
Jusuf Gërvalla-Vushtrria 13.00
Vëllaznimi-Ferizaj 14.00
Kastrioti-Istogu 17.00
E diel
Drita-Samadrexha 13.30
Prishtina-Shqiponja 14.30