PDK zgjedh kryetarët e rinj në Gjakovë dhe Deçan - Bota Sot
PDK zgjedh kryetarët e rinj në Gjakovë dhe Deçan

Kosova

PDK zgjedh kryetarët e rinj në Gjakovë dhe Deçan

Më: 20 prill 2019 Në ora: 18:25
Hajdar Beqaj

Partia Demokratike e Kosovës ka mbajtur sot kuvendet zgjedhore për kryetarë të degëve dhe strukturat tjera drejtuese në komunat e Gjakovës dhe Deçanit.

Në kuvendin zgjedhor të degës në Gjakovë, delegatët votuan për kryetar, me shumicë votash, Hajdar Beqajn.

Kuvendi zgjedhor në Gjakovë po ashtu ka zgjedhur me votë edhe 71 anëtarë të Këshillit Drejtues dhe 21 delegatë për Konventën Qendrore të PDK-së.

Punimet e këtij kuvendi i ka përshëndetur zëvendëskryetari i PDK-së, Enver Hoxhaj. Ai ka thënë se PDK në nivel vendi është duke mbajtur proces zgjedhor demokratik, nga i cili do të dalë edhe më e fuqishme.

Po ashtu, Hoxhaj ka folur edhe për projektin Dekada e re, nëpërmjet të cilit ka thënë se synohet zhvillimi ekonomik i Kosovës dhe integrimi në struktura euroatlantike.

PDK të shtunën po ashtu ka mbajtur Kuvendin zgjedhor në degën e Deçanit ku me shumicë votash kryetar i degës u zgjodh Bujar Kukleci dhe po ashtu u zgjodhën anëtarët e Këshillit Drejtues si dhe delegatët për Konventën qendrore.

Kryetarja e deritashme e degës, deputetja Safete Hadërgjonaj falënderoi të gjitha strukturat dhe mbështetësit e PDK-së në Deçan për punën dhe angazhimin në forcimin dhe shtrirjen e vizionit të PDK-së për ta jetësuar platformën Dekada e Re e cila do të thotë fuqizim dhe evropianizim i shtetit të Kosovës.

Image
Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...