Eliza Hoxha nga PDK ka thënë se problemi kryesor në degradimin e ambientit qëndron se hapësirat janë zhvilluar për njësi shitjeje e shfrytëzimi për persona privat, e jo për shfrytëzim nga komuniteti.
Sipas saj, menjëherë pas luftës kapitali ka lëvizur kryesisht në sferën e banimit.
Hoxha tutje në emisionin Rubikon të KTV-së shton se një praktikë e tillë ka vazhduar pastaj edhe nga koha e qeverisjes së LDK-së në kryeqytet.
“Problemi kryesor qëndron në dy linja: e para është që koeficientet e shfrytëzimit të tokës ka qenë zhvillimi i kapitalit, hapësirat janë parë si njësi shitje e shfrytëzimi dhe jo si shfrytëzim për komunitetin”, thotë ajo.
Sipas saj, licencimi i arkitektëve në fusha të caktuara është e domosdoshme, duke shtuar se Oda e Arkitektëve të Kosovës duhet të bëhet nga Kuvendi e i cili garanton lirinë profesionale të tyre.
“Ne nuk kemi mbërri me i licensu arkitektet në fusha të caktuara. Ky proces duhet të bëhet mekanizëm ligjor që garanton pavarësinë profesionale dhe veprimtarinë profesionale të arkitektëve”, ka thënë ajo.
