Sot në sheshin “Aziz Zhilivoda” në Obiliq ka nisur grumbullimi i pakove ushqimore për t’i dërguar në Shqipëri, pas tërmetit të fuqishëm i cili shkaktoi viktime në njerëz dhe dëme materiale.
Me këtë rast kryetari i Komunës së Obiliqit Xhafer Gashi, ka vizituar vendin ku po mblidhen këto pako për ta përkrahur këtë aksion.
“Organizimi i qytetarëve dhe tifozëve të FC KEK-ut, të cilët edhe janë organizator të këtij aksioni, të lë pa fjalë! Ju lumtë!”, tha ai.
Kryetari Gashi gjithashtu ka shprehur vullnetin e tij që nëse ndonjë familje ka mbetur pa shtëpi dhe i nevojitet strehim derisa të normalizohet gjendja, do të ofrojë shtëpinë e tij për strehim.
Ky aksion nga tifozët e FC KEK-ut do të vazhdojë deri në orët e mbrëmjes!