Pas reshjeve të shumta të shiut që kanë përfshirë vendin, situata meteorologjike po shkon drejt stabilizimit.
Instituti Hidrometeorologjik i Kosovës ka parashikuar që për tre ditët në vijim moti do të jetë i mirë.
Të premten dhe të shtunën do të jetë mot me diell i shoqëruar me vranësira dhe me erëra të lehta dhe pa reshje shiu.
Temperaturat minimale do të lëvizin nga 13-15 gradë Celsius, ndërsa maksimalet e ditës parashihen të lëvizin ndërmjet 26-31 gradë Celsius. Indeksi UV nga 6-8 (i lartë). Do të fryjë erë e lehtë deri mesatare nga drejtimi i verilindjes.
