Burime nga policia kanë dhënë detaje në lidhje me atentatin që u bë ndaj biznesmenit, Dashamir Gjoka në hyrje të Shijakut, ku mendohet se të paktën 15 janë zbrazur mbi makinën e tij.
Mësohet se një person ka qëlluar me kallashnikov në drejtim të automjetit me të cilin udhëtonte Gjoka dhe vajzat e tij, por fatmirësisht si pasojë e të shtënave nuk ka pasur të lënduar. Automjeti me të cilin udhëtonte familja Gjoka është i blinduar dhe kjo ka qenë arsyeja se si përfunduan të palënduar personat që ndodheshin në makinë.
Sipas policisë, dyshohet që të këtë qëlluar vetëm një person i cili ishte kamufluar afër vendit të ngjarjes.
Policia ndodhet ne vendin e ngjarjes, teksa po punohet për identifikimin dhe kapjen e autorit si dhe zbardhjen e rrethanave te ngjarjes.
Nga të dhënat paraprake dyshohet që ngjarja të ketë motive hakmarrje, duke marrë shkas nga e kaluara kriminale e Gjokës.
