Poetja Mirishahe Elshani nga Suhareka me poezi merret që nga bankat e shkollës fillore - ku edhe e tregoi talentin e saj poetik. Deri më tani kjo poete e vyeshme ka botuar tri përmbledhjen poetike për të rritur me titullin "Shi dhembjesh", "Dhembjes i besoj" dhe "Mëkatet e dhembjes".
Në poezitë e saja Mirishahe prezanton çastet e dhembjeve të përditshmërisë sonë të cilat shndërrohen në muza fjalësh dhe arrijnë për t´u ngritur në vargje, duke e pasuruar botën shpirtërore të një poeteje, e cila falë gjetjes se figurave të pashembullta nxjerr në pah shqetësimet e saja, dhe shkon edhe më larg, kur e vetmja shpresë e saja në jetë i beson vetëm poezia.
Kjo është poetja nga Theranda Mirishahe Elshani, studente e cila diti aq mjeshtërisht ta ndaj kohën e artë përkatësisht vargun e bukur të poezive me lexuesin, ku edhe ky i është mirënjohës për vargun e saj plot optimizëm dhe dëshirën për ndryshim dhe bashkim.
E kjo ma së miri shihet në vazhdimësi në një poezi të cilën po e prezantojmë më poshtë rë shënuar e cilat është e pajisura me figura stilistike që ia japin vlerën artistike vëllimit poetik të kësaj poete te vyeshme.
Mirishahe Elshani
Acar ne zemër
Akull jam në shpirt
Më mbyllen të dy sytë
Nga loti i ngrirë në qepalle
Kjo jetë është vdekje e gjallë
Dielli ka kohë që ka perënduar
Në mëshirë të kohës ka mbetur
Në këtë tokë të vjetër
Jam as gjallë as vdekur
Betejave të ashpra për liri
Për tokën e të parëve të mi
Kisha pranë udhën e yjeve
Të atyre që bëjnë dritë në përjetësi
Detit të shpirtit të pa skaj
Shëtis me lot e vajë
Kjo dhembje e pa shëruar
A ka ilaç për ta shëruar
Në flakën e tij digjem
Nga hiri përsëri ngritëm
Ti mblidhi eshtrat e lënë udhëkryqeve
Të jetës për jetë a vdekje
Çfarë ti them vetes
Me të njëjtën plagë atdheu
Çfarë ti them të vërtetës
Gjaku ynë i shenjtë Skënderbeu.
