Rriten çmimet e taksive në Kumanovë

Kumanova

Rriten çmimet e taksive në Kumanovë

Më: 11 mars 2022 Në ora: 16:45
Foto ilustrim

Këshilli i Kumanovës sot ka marrë vendim për rritjen e çmimeve të transportit të taksive. Transporti me taksi zyrtarisht është rritur për 20 denarë, nga 60 në 80 denarë për kilometër dhe 40 denarë për secilin pasues.

Më herët kompanitë e taksive kanë rritur vullnetarisht çmimet e shërbimeve për shkak të rritjes së çmimeve të karburanteve, duke sqaruar se kanë paraqitur dy propozime në muajt e fundit, pas konstituimit të këshillit.

Nga grupi i këshilltarëve “Për Kumanovën tonë” e mbështetin propozimin, duke sqaruar se janë rritur çmimet e derivateve, për kontrollin teknik, emergjent, sigurimin e udhëtarëve, shërbimet, çertifikatat mjekësore, licencat.

“Nëse nuk e pranojmë këtë rritje, do të kontribuojmë në rritjen e numrit të taksistëve ilegalë, ata do të vozisin ilegalisht, ne vetëm do të inkurajojmë ekonominë e zezë, do të humbasim kompanitë e licencuara që paguajnë taksa”, tha koordinatori i grupit të këshillit “Për Kumanovën tonë”, Darko Mitevski.

Koordinatori i grupit të këshillltarëve të LSDM-së, Aleksandar Jovanovski tha se për pjesën më të madhe pajtohen me rritjen e çmimeve, ndërsa si grup këshilltarëve do të abstenojnë.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Më të lexuarat
Sot mund të lexoni Shfletoni kopertinat