Mediat serbe shkruajnë se, nëse Richard Grenell arrin që ta zgjidh çështjen e Kosovës deri në zgjedhjet presidenciale amerikane, do të emërohet nënkryetar i ShBA-ve apo sekretar shteti” shkruan “Kurir” duke u thirr në burime diplomatike, transmeton “Bota Sot”.
Këto burime thonë se çështja e Kosovës për Grenell është në fikus dhe në rend të parë ka vendosur bashkëpunimin ekonomik mes Beogradit dhe Prishtinës.
"Qëllimi i Grenellit është arritja e marrëveshjes që para së gjithave do thoshte përmirësim i raporteve dhe bashkëpunimit ekonomik, por jo edhe marrëveshje politike përkatësisht njohjen e Kosovës. Tramp po angazhohet që kjo çështje të zgjidhet, ndërsa Grenell është deri diku realist dhe për herë të parë pas 30 viteve ShBA nuk janë kryekëput në anën e shqiptarëve” ka thënë burimi diplomatik.
Ai ka shtuar se përkundrazi Grenel në takimin e para disa kohëve në Mynhen ka refuzuar që të takohet me kryeministrin e ri të Kosovës Albin Kurti, sepse përkundër kërkesave të ShBA dhe Uashingtonit nuk janë hequr taksat në mallrat serbe.
"Ai e ka porositur që këtë ta bëjë brenda disa jave, në të kundërtën askush nga administrata amerikane nuk do të takohet me te", thotë ky burim.
