Ish-zëvendësministrja e Jashtme e Shqipërisë, Edith Harxhi, ka reaguar lidhur me propozimin e kryeministrit Edi Rama për organizimin e një konference të nivelit të lartë për Kosovën dhe Serbinë, ku liderët e dy shteteve s’do të lejoheshin të dalin pa arritur një marrëveshje.
Harxhi ka thënë se Kosova s’ka nevojë për një Dejton. Ajo ka shkruar se Kosova është shtet i pavarur që është njohur nga 115 shtete të botës dhe se pavarësia është vulosur nga GJND-ja.
Ajo ka thënë se Kosova ka nevojë për një burrështetas dhe për përkrahje nga SHBA dhe BE-ja.
“Kosova nuk ka nevojë për Dejton. Kosova është shtet sovran i njohur nga 115 shtete të botës dhe pavarësia e saj është njohur nga Gjykata Ndërkombëtare e Drejtësisë. Kosova ka nevojë për burrë shteti dhe mbështetje nga SHBA dhe BE”, ka shkruar Harxhi.
Harxhi ka thënë se sanksionet e përmendura janë çorientuese dhe kundërproduktive.
Kosova doesn’t need a Dayton. Kosova is a sovereign state recognised by 115 countries in the world and its independence is recognized by the International Court of Justice. Kosova needs statesmanship and support by US and EU. Sanctions are very misleading and counterproductive.
— Edith Harxhi (@EdithHarxhi) June 29, 2023
