Një grup i ambientalistëve kanë gjetur një mënyrë tejet interesante për të shfaqur ngrohjen globale, dhe pasojat nga ajo.
Ky grup ka mbledhur gjysmë milionë dollarë me një qëllim- që të gdhendin në akullnajë fytyrën e presidentit amerikan, Donald Trump.
Ata kanë planifikuar që ta shfaqin ndikimin e ngrohjes globale, duke e paraqitur shkrirjen e skulpturës në transmetim direkt.
Kështu shpresojnë se do ta ilustrojnë rrezikun nga ngrohja globale, duke e shikuar sa shpejt skulptura do të shkrihet, raporton The Indepedent, përcjell KosovaPress.
Trump është njëri nga mohuesit e ngrohjes globale, gjatë fushatës zgjedhore ai kishte thënë se ndryshimi i temperaturave në botë është “zmadhim”.