Alton Mason kurrë nuk do të jetë i harruar në botën e modës. Për këtë meritën e ka kompania Chanel.
Kompania Chanel ka bërë një hap para dhe pas 109 vjetësh ka angazhuar manekin mashkull me prejardhje afro-amerikane.
Në shou-mbrëmjen e vet ka prezantuar Alton Masonin dhe kështu ka garantuar interesimin medial.
Alton Mason është manekini i parë me prejardhje afro-amerikane, i cili ka shëtitur në pistën e shout të Chanelit në historinë 109-vjeçare.
Mason ka qenë pjesë e spektaklit të lashtë egjiptian me rastin e ekspozitës “Metiers d’ Art”.
Edhe pse Pharrell Williams më herët ka punuar me kompaninë Chanel, Mason ka qenë manekini i parë profesionist afro-amerikan, i cili është shfaqur në pistën e këtij brendi prestigjioz.
Shkrimi i historisë është hap i rëndësishëm për Masonin, i cili është falënderuar në rrjetet sociale.
